Palawan Drink Recipe

   noong nakaraan na kami ay nag-inuman, ang aking mga katropa ay nagsuggest ng bagong maiinom. Palawan daw ang tawag. pero hindi ko sure kung tama dahil walang lumabas sa aking mga naresearch tungkol sa mahiwagang drink na iyon. ang lumabas lang na similar ay ang "Camel". parehas na parehas ang timpla. kaya't ako ay medyo naguluhan kung ano ba talaga ang tunay na pangalan nito. pero tawagin na lang nating Palawan dahil iyon na rin ang title ng post na ito.

   

   at eto na nga ang recipe..

Mga Kakailanganin:

• 1 bote ng San Miguel Gin. (Gin Bulag o kaya Bilog in tindahan terms)
• 1 litro pack ng Melon Juice. 
• 1 pack ng 3 in 1 Coffee Mix (kahit anong brand. basta 3 in 1)
• tubig
• yelo

Pamamaraan:

1. itimpla ang melon juice sa isang pitsel ng tubig. tantsahin ang lasa, hindi dapat matabang o strong ang lasa ng juice. tama lang.
2. ihalo ang kalahating bote ng gin sa tinitimplang juice
3. itimpla ang kape sa kalahating gin na natira sa bote. oo sa bote mismo ititimpla ang kape. para less hugasin na rin. 
4. eto ang tricky part. dahan-dahang ibuhos ang timpladong kape at gin sa juice. pagkatapos na pagkatapos maubos ng kape ay sindihan ng lighter ang rim ng bote. at pag pumasok ang apoy sa bote, itutok ito sa juice. ang dapat na mangyayari ay mahihigop ng bote ang juice at magkakaroon ng kaunting bubbles. para saan ito? kung ikaw ay umiinom baka pamilyar ka sa gawain na bago inumin ang alak, magtatapon ka muna ng kaunti nito. espirito, demonyo, something alay, etc. at doon na nga pumapasok ang apoy effect sa loob ng bote.
5. iserve ng may yelo.

   ito ay garantisadong masarap! at hindi nakakalasing. depende na lang kung nakarami ka talaga.

   dali, ayain na ang barkada at bumili ka na sa may tindahan sa kanto! 

Seven Deadly Sins Photoshoot

     noong nakaraang buwan ay nagmodel ako sa isang photoshoot para sa close friend kong si Maxine. para iyon sa kanilang finals. hindi ako isang propesyonal na model. palagi lang akong nanonood ng America's Next Top Model at tumitingin sa mga fashion blogs sa Tumblr. amateur ako. yun ang totoo. wala akong formal training  . pero oo, ako ay isang aspiring model.
     isang grupo silang nag-shoot sa akin. ang tema ay Seven Deadly Sins. tela lang ang damit ko dahil may kaugnayan raw dapat sa tempations. at dahil na rin siguro sa mababang budget. sa bahay sa may Bulacan lang ang venue.
     at eto na nga ang mga litrato na kinunan ni Maxine.

Greed

Pride

Sloth

Envy

Gluttony

Lust

          hindi ko na sinama ang Anger/Wrath dahil napogi-an ako masyado sa aking sarili. hahaha. low quality ang ilan dahil sa bad lighting. ako nga pala ang nag-edit. echos ko lang. 

          naging masaya naman ang aking karanasan sa photoshoot na iyon. mababait ang mga photographer at mahaba ang pasensya. nakakapagod pero worth it naman. dagdag eks-pi. haha

          umpisa pa lang ito ng aking Model Diaries. abangan ang susunod na kwento!

"Kaya ka biniyayaan ng kagandahan, para ingatan mo, hindi para manlait ng ibang tao"

bakit nga ba tayo nanlalait ng ibang tao?

mas pinipili nating tingnan ang mga bagay na hindi maganda sa kanila. siguro isang sign iyon ng insecurity o kaya ay inggit. nilalait ang isa para gumaan ang loob tungkol sa kakulangan sa sarili. siguro likas na talaga sa atin ang mamintas. maging ako man ay ganon. 

"ang ganda nya pero ganito..gwapo sana kaso ano.. "

ang tindi lang kapag ang nanlait ay hindi rin naman kagwapuhan o kagandahan. at kung ang mga panlalait pa ay genuine. walang halong biro kung baga. yung tipong ang objective ay para manakit na. kung sa biro nga natatamaan ka na, pano pa kaya kung seryoso talaga. 

hindi naman ako nagmamalinis. ako rin ay namimintas at nanlalait. aaminin ko, nakakatuwa sya lalo na pag kasama pa ang tropa. pero as much as possible, pinipigilan ko ang sarili ko. sa isip ko na lang sinasabi. dahil kung i-vovoice out ko pa. wala rin namang mangyayari. hindi naman mag-eenhance ang qualities ng taong nilait ko. at tsaka, hindi rin naman ako perpekto. ano ba naman ang karapatan kong manghusga ng iba. lalo na pag hindi ko sila kilala.

ang moral lesson: tumingin ka muna ng maigi sa salamin. wag masyadong mabilis sa panghuhusga, panlalait, o pamimintas sa kapwa. dahil kung ikaw ang pinaulanan ng masasakit na salita, baka ikaw rin ang manghina. 

a friendly reminder from Jill :D

Semestral Break

          habang kami ay nagchichill at nagrerelax na, ang iba pang mga unibersidad ay magfafinals pa lang. iba talaga ang UST. haha. isang buwan mahigit ang break namin. ang saya ko lang naman. 

          masasabi kong ang unang sem ng second year college life ko ay naging mahirap at nakakapagod pero parang walang nangyari. wala akong masyadong natutunan. palibasa kasi andaming araw na wala kaming pasok. bihira lang ang isang linggo na kumpleto ang pasok dahil nga sa mga suspension, holiday at ibang kaganapan sa aming kolehiyo. bukod doon, ang iba rin naming mga propesor ay hindi rin pumapasok. hindi naman dahil sa trip lang nila (i hope not) pero dahil sa prior commitments. nakakastress pa rin dahil sa daming pinagagawa sa amin. mga reports, projects, eklavarva. 

           pero tapos na ang lahat ng mga yan at wala na akong pakialam. wala namang mangyayari kung patuloy ko pa itong babalikan. kung baga, next chapter naman. hehe.

           hindi ko alam kung ano ang mangyayari ngayong sembreak namin. basta ang promise ko sa sarili ko ay susulitin ko ito. kaya ang una kong gagawin ay....

           maglinis ng kwarto. hahaha